Эронда тақиқланган спиртли ичимликлар истеъмоли ўсиб бораётганлиги туфайли ҳукумат 150 та ҳушёрхона очади, деб хабар беради «РИА Новости».
Теҳронда биринчи ҳушёрхона 2013 йил охирида очилганди. Эрон соғлиқни сақлаш вазирлиги шифокори Алиреза Рўзани бундай марказлардан 150 таси 2016 йил мартигача очилишини маълум қилди.
Расмий маълумотларга кўра, 78 миллион аҳолига эга мамлакатда 200 минг киши алкоголизм билан касалланган. Экспертларнинг фикрича, бир миллиондан ортиқ эронлик мунтазам алкоголь истеъмол қилади.
Эронда 1979 йилда юз берган ислом инқилобидан сўнг, алкоголь истеъмоли дарҳол тақиқланганди. Бу ерда истеъмол қилинадиган спиртли ичимликларнинг катта қисми Туркия ва Курдистондан контрабанда орқали кириб келади. Камдан-кам ҳолларда алкоголь хонаки усулда тайёрланади.
Изоҳ (0)