Rossiyaning Sankt-Peterburg shahrida Shahar mushuklari kuni doirasida 7-iyun kuni mushuklar paradi bo‘lib o‘tdi. Bu haqda Vesti.ru xabar bermoqda.
Sankt-Peterburgdagi Mushuklar muzeyi rahbari, Ermitaj mushuklari veterinari Anna Kondratyevaning so‘zlariga ko‘ra, ushbu parad o‘ninchi marta o‘tkazildi va unda imkon qadar ko‘proq ishtirokchi qatnashishi uchun bayram 8-iyundan 7-iyunga ko‘chirildi.
Mashhur “Mushuklar respublikasi” qahvaxonasi joylashgan Konnogvardeyskiy xiyoboni mushuklar sharafiga bir kunga Kotogvardeyskiy deb qayta nomlandi va Neva maskarad mushuklari, Peterburg sfinkslari, shuningdek, Peterburgda keng tarqalgan rus mushuklari – Sibir, rus, moviy, Ural rekslari, karel va kuril bobteyl zotiga mansub mushuklar paradi bo‘lib o‘tdi.
Bayram doirasida 36ta mushuk o‘zining yangi egasiga topshirildi, bayram oxirida esa bolalar mushuklarning tasviri tushirilgan pufakchalarni havoga uchirishdi.
Izoh (0)