Germaniyadagi Rock am Ring festivali doirasida o‘tkazilgan tungi konsertda yashin 12 kishiga jarohat yetkazdi, deya xabar bermoqda “Korrespondent.net”.
Taxminan yarim kechasi kuchli yomg‘ir boshlanib, tezda qattiq shamol esa boshladi. Shamol metall konstruksiyalarni qulatib, chodir va pavilyonlarni uchirib ketdi. Chaqmoq har soniyada chaqnay boshladi.
Tashkilotchilar taniqli dijey Frits Kalkbrennerning konsertini bekor qilishga majbur bo‘ldi.
Politsiya ma’lumotlariga ko‘ra, kuchli shamol natijasida 27 kishi zarar ko‘rdi, ularning olti nafari og‘ir ahvolda. Ayni paytda kasalxonada momaqaldiroqdan jabrlangan 12 kishi qolmoqda.
Izoh (0)