BBC matbuot xizmati o‘z jurnalistlaridan birining qirolicha Yelizaveta II kasalxonaga yotqizilgani haqidagi tviti uchun uzr so‘radi, deya xabar bermoqda Meduza. Korporatsiyadagilar ta’kidlashicha, tvit ta’ziyanoma e’lon qilish zarur bo‘lib qoladigan vaziyatlar uchun mashq qilish chog‘ida tasodifan jo‘natib yuborilgan.
Tvit urdu tilidagi BBC xizmati xodimasi Ahmen Xavaja tomonidan chop etilgan bo‘lib, unda qirolicha Londondagi kasalxonalardan biriga tushgani aytiladi. Keyinroq jurnalist tvitni o‘chirdi.
Qirolichaning shifoxonaga yotqizilgani to‘g‘risida ba’zi yirik OAVlar yozishga ulgurdi, jumladan bunday xabar Amerikaning CNN telekanali tvitterida chiqdi.
Izoh (0)