Janubiy Koreyada MERS koronavirusi tarqalishi va epidemiya boshlanishi xavfi tufayli 200 dan ortiq o‘quv muassasasi yopildi, deya xabar bermoqda “Informing.ru”.
Janubiy Koreya sog‘liqni saqlash departamenti rahbari Kvon Chjin so‘zlariga ko‘ra, mamlakatda MERS koronavirusi tarqalishi bilan bog‘liq vaziyat kundan-kunga yomonlashib bormoqda. 2-iyun kuni u bilan kasallanganlar soni 25 kishini tashkil qilgan bo‘lsa, 3-iyun kuni kunduzgacha ularning soni 30 dan oshdi. MERS’dan ikki kishi vafot etdi, yana uch kishi beqaror ahvolda yotibdi.
Kasallanganlar soni o‘sib borayotgani va ilk qurbonlar paydo bo‘lganini hisobga olib, mutaxassislar taxmin qilishicha, MERS mutatsiya jarayonini boshdan kechirgan va endi odamlar orasida tez tarqaladi.
Mamlakatda epidemiya yuzaga kelishi xavfi tufayli ko‘plab o‘quv muassasalarida rejadan tashqari ta’til e’lon qilindi. Poytaxtdagi kasallik yuqishining asosiy o‘choqlari joylashgan Kengi provinsiyasida 230 ta bolalar bog‘chasi, maktab va OTMlar yopilgani e’lon qilindi.
Izoh (0)