Японияда 700 килограммлик варрак 200 метр баландликдан оломоннинг устига қулаб тушди, деб хабар қилади «Вести.ru». Варраклар фестивалида қатнашаётганлардан 4 киши жабрланди.
Ҳодиса 31 май куни содир бўлди. Жабрланган 4 кишидан бири 7 ёшли бола, яна бири эса 73 ёшли эркак. Қария шифохонада ҳушсиз ётибди.
The Japan Times берган хабарга кўра, Сига префектурасида варраклар фестивали ҳар йили ўтказиб келинади. Маҳаллий синоптиклар бу йил ҳудудда кучли шамол бўлганлигини хабар қилди. Афтидан шу сабабли ўлчами 13 га 12 бўлган варрак қулаб тушган. Полиция бу иш бўйича суриштирув ишларини бошлади.
Изоҳ (0)