“Nasaf” sardori va yetakchisi, turkmanistonlik Artur Gevorkyanning O‘zbekistondagi faoliyati davomida urgan gollari soni 100 dan oshdi, deb xabar qiladi klub rasmiy sayti.
O‘zbekiston chempionati, O‘zbekiston Kubogi, OChL va OFK musobaqalarida O‘zbekiston jamoalari safida yuzlik marrani zabt etgan futbolchi O‘zbekistonning XX asrdagi eng yaxshi futbolchisi deb tan olingan Gennadiy Krasnitskiy nomidagi to‘purarlar klubiga qabul qilindi. 2006—2009-yillar mobaynida “Sho‘rtan”da, 2010-yilda Toshkentning “Paxtakor” klubi safida o‘ynagan Gevorkyan 2011-yildan beri “Nasaf” sharafini himoya qilib kelmoqda. Uning O‘zbekiston klublari uchun kiritgan gollari soni 102 taga yetdi.
Shu munosabat bilan 31-may kuni O‘zbekiston chempionati doirasida o‘tkazilgan “Nasaf” — “So‘g‘diyona” uchrashuvidan oldin Qarshi klubi sardoriga O‘zbekiston futbol federatsiyasi faxriylar kengashi raisining o‘rinbosari To‘lagan Isoqov maxsus sovrin topshirdi.
Izoh (0)