Soliq, valyutaga oid jinoyatlarga va jinoiy daromadlarni legallashtirishga qarshi kurashish (SVOJJDLQK) departamentining Zarafshon shahar bo‘limi xodimlari tomonidan o‘tkazilgan tezkor tadbirda hududda joylashgan savdo markazi yonida valyutafurush noqonuniy ravishda 200 AQSh dollarini 612 ming so‘mga sotib olgan vaqtida qo‘lga olindi, deb xabar qiladi “Huquq” gazetasi.
Shuningdek, tadbir davomida “valyutachi” o‘ziga tegishli avtomashinada 1 million 200 ming O‘zbekiston so‘mi, 11 ming 50 Rossiya rubli hamda 6997 AQSh dollarini sotish maqsadida saqlab kelayotganligi ham aniqlanib, ushbu pul mablag‘lari tegishli tartibda rasmiylashtirildi.
Jinoyat ishlari bo‘yicha Zarafshon shahar sudi tomonidan valyutafurush aybdor deb topildi va u O‘zbekiston Jinoyat kodeksining tegishli moddasi bilan eng kam ish haqining ellik barobari miqdoridagi jarimaga tortildi. Undan ashyoviy dalil sifatida olingan pul mablag‘lari davlat daromadiga o‘tkazildi.
Izoh (0)