O‘zbekiston 2015-2019-yillarda Janubiy Koreyaning EDCF fondi liniyasi bo‘yicha qiymati 415 million dollarlik uzoq muddatli imtiyozli kreditlarni jalb etadi. Bu haqda UzDaily xabar bermoqda.
Xabar berishlaricha, O‘zbekiston Prezidentining Seulga tashrifi doirasida O‘zbekiston va Janubiy Koreya o‘rtasida EDCF fondi liniyasi bo‘yicha 2015-2019-yillarga mo‘ljallangan hamkorlik dasturi imzolangan.
Hamkorlik dasturida qiymati 415 million dollarlik uzoq muddatli imtiyozli kreditlarni jalb etish orqali 6 loyihani amalga oshirish ko‘zda tutilgan, deya xabar bermoqda O‘zbekiston Prezidenti matbuot xizmati.
Jumladan, Toshkent shahrida IV darajali zamonaviy ko‘p tarmoqli, yuqori darajada ixtisoslashtirilgan tibbiyot markazini, “elektron hukumat” tizimi ma’lumotlarini qayta ishlaydigan davlat markazini tashkil etish, AKT asosida suv resurslarini boshqarish tizimini joriy qilish loyihalarini hayotga tatbiq etish ko‘zda tutilgan.
Izoh (0)