Солиқ, валютага оид жиноятларга ва жиноий даромадларни легаллаштиришга қарши курашиш (СВОЖЖДЛҚК) департаментининг Зарафшон шаҳар бўлими ходимлари томонидан ўтказилган тезкор тадбирда ҳудудда жойлашган савдо маркази ёнида валютафуруш ноқонуний равишда 200 АҚШ долларини 612 минг сўмга сотиб олган вақтида қўлга олинди, деб хабар қилади «Ҳуқуқ» газетаси.
Шунингдек, тадбир давомида «валютачи» ўзига тегишли автомашинада 1 миллион 200 минг Ўзбекистон сўми, 11 минг 50 Россия рубли ҳамда 6997 АҚШ долларини сотиш мақсадида сақлаб келаётганлиги ҳам аниқланиб, ушбу пул маблағлари тегишли тартибда расмийлаштирилди.
Жиноят ишлари бўйича Зарафшон шаҳар суди томонидан валютафуруш айбдор деб топилди ва у Ўзбекистон Жиноят кодексининг тегишли моддаси билан энг кам иш ҳақининг эллик баробари миқдоридаги жаримага тортилди. Ундан ашёвий далил сифатида олинган пул маблағлари давлат даромадига ўтказилди.
Изоҳ (0)