Осиё футбол Конфедерацияси ФИФАнинг амалдаги раҳбари Зепп Блаттерни тўлиқ қўллаб-қувватлайди ҳамда президентлик сайловлари бошқа кунга кўчирилишига қарши чиқди, деб хабар қилади «Uff.uz».
ОФКнинг баёнотида ташкилот Цюрихда бўлиб ўтган кўнгилсизликлар – ФИФА расмийлари ҳибсга олинишидан ташвишда эканини маълум қилган. Аввалроқ УЕФА ташкилоти юзага келган можаро туфайли ФИФА президентлиги сайловини бошқа кунга кўчириш борасида таклиф билан чиққанди.
Эслатиб ўтамиз, ФИФА президентлиги учун сайлов 29 май кунига белгиланган бўлиб, ҳозирда икки номзод – Зепп Блаттер ва Иордания шаҳзодаси Али бин Ал-Ҳуссайнлар бу лавозимга даъвогарлик қилмоқда.
Изоҳ (0)