17—22-iyul kunlari Yaponiyaning kimyoviy, optik, elektrotexnik mahsulotlar ishlab chiqaruvchi kompaniyalari, sanoat korxonalari, shuningdek moliyaviy va savdo kompaniyalari rahbarlari va vakillari delegatsiyasi Chiba tijorat universiteti rektori Xaruo Shimada boshchiligida O‘zbekistonga tashrif buyurishni rejalashtirmoqda. Bu haqda “Review.uz” xabar berdi.
Tashrifdan maqsad iqtisodiyotning “o‘zbek modeli” taraqqiyotining borishi, shuningdek O‘zbekiston tarixi va madaniyati bilan tanishishdan iborat.
Xaruo Shimada delegatsiyaning Samarqand, Buxoro va Toshkent shaharlariga tashrif buyurish, shuningdek vazirliklar, idoralar, tadqiqot institutlari va universitetlar vakillari bilan uchrashish rejalarini ma’lum qildi.
Bundan tashqari, Yaponiya delegatsiyasi a’zolarining tashrifi doirasida biznes vakillari bilan davra suhbati yoki “kooperatsion birja” shaklida uchrashuv o‘tkazilishi mo‘ljallangan.
Izoh (0)