Франция пойтахти Париж шаҳрида теннис бўйича «Катта Дубулға» туркумига кирувчи, йилнинг тўртта йирик турниридан иккинчиси ҳисобланган «Ролан Гаррос» мусобақасининг асосий тўр баҳслари давом этмоқда, деб хабар қилади «Olamsport.com».
Мукофот жамғармаси 28 миллион еврони ташкил этувчи Франция Очиқ чемпионатининг асосий тўр яккалик баҳслариида ўзбекистонлик теннисчи Денис Истоминнинг мағлубиятга учрагани ҳақида хабар берган эдик.
26 май куни Истомин «Ролан Гаррос»нинг жуфтликлар мусобақасида ўз имкониятини синаб кўрди. Истомин қозоғистонлик Андрей Голубев билан бирга илк даврада яна бир қозоғистонлик теннисчи Михаил Кукушкин ва швециялик Юхан Брунстрёмга қарши кортга чиқди. Учрашувда Истомин ва Голубев рақибларини 7:6, 6:4 ҳисобида таслим этди.
Изоҳ (0)