Toshkentda Sony kompaniyasining SmartWatch 3 “aqlli” soati sotila boshladi, deya xabar bermoqda “Mobinfo.uz”. Qurilmaning uchinchi avlodi Google korporatsiyasi bilan hamkorlikda ishlab chiqilgan va Android Wear operatsion tizimida ishlaydi.
Soatning qiziqarli tomoni shundaki, u smartfonsiz ham ishlay oladigan aksessuardir, unda qator foydali va avtonom funksiyalar mavjud.
SmartWatch 3 mikrofon, akselerometr, kompas, giroskop hamda foydaluvchining jismoniy faolligini kuzatib borish uchun GPS-modul bilan jihozlangan.
Soat shuningdek, 1,6 dyuym va 320×320 pikselli displey, to‘rt yadroli protsessor, 512 MB tezkor va 4 GB ichki xotira, 420 mA/s sig‘imidagi akkumulyatorga ega.
Poytaxtning “Fleshka” savdo majmuasida rezina tasmali Sony SmartWatch 3’ni 1,1 million so‘mga xarid qilish mumkin. Taqqoslash uchun, SmartWatch 2 bu yerda 900 ming so‘mdan sotilmoqda.
Izoh (0)