Rossiyaning Samara shahri fuqarosi Vyacheslav Yakushkin to‘rtinchi qavatdan tushib ketgan 12 yoshli qizchani tutib olishga muvaffaq bo‘ldi, deya xabar bermoqda “VolgaNyus” portali.
Yakushkin aytishicha, uning rafiqasi qarama-qarshi uyning to‘rtinchi qavati balkonidan osilib turgan qizchani ko‘rib qolgan. Ko‘chaga yugurib chiqib, erkak balkon tagiga kelib turgan, xotini esa qizchani tortib olish uchun xonadonga yo‘nalgan. Biroq qizcha mustaqil ravishda balkonga qaytib chiqishga urinib, pastga tushib ketgan.
Erkak uni yelkasi va bo‘ynidan tutib qolgan. Hodisa joyiga yetib kelgan tez yordam mashinasi uni kasalxonaga olib ketgan, u yerda qizga umurtqa pog‘onasi sinishi va qorin bo‘shlig‘i shikastlanishi tashxisini qo‘yishgan.
Yakushkin esa kuchli lat yedi va sochlari sezilarli darajada oqarib qoldi.
Qizning onasi uni boshqa ikki farzandi bilan uyda yolg‘iz qoldirganini aytdi va uning balkondan yiqilish sababini tushuntirib bera olmadi.
Ayni paytda tergov organlari hodisaga jinoyat aralashgan-aralashmaganini aniqlash uchun tekshiruv boshladi.
Izoh (0)