AQShning Kaliforniya shtatida joylashgan Disneylend bog‘ining 60 yilligi nishonlanmoqda, deya xabar berdi “TASS”.
22-may kuni mahalliy vaqt bilan 6:00 (Toshkent vaqti bilan 18:00)da yorqin maskarad paradi boshlandi, unda The Walt Disney Company kinokompaniyasining 60 yillik faoliyati aks etdi.
Kunning ikkinchi yarmida World of Color shousi bo‘lib o‘tdi, u bir nechta parad, filmlardan parchalar namoyishi, ko‘p sonli musiqiy va raqs guruhlari tomoshalarini o‘z ichiga oldi.
Kech kirishi bilan yubiley feyerverki otildi. Sayillar shanba kuni tonggacha davom etadi.
Nashr eslatishicha, Disneylend deb nom olgan attraksionlar bog‘i amerikalik taniqli multiplikator rassom va prodyuser Uolt Disney tomonidan o‘ylab topilgan va yaratilgan. U 1955-yilda Kaliforniyaning Anaxaym shahrida ochilgan.
Izoh (0)