O‘zbekiston xalq artisti Yulduz Usmonova Tojikistonning Asia-Plus nashriga bergan intervyusida “Yulduz Usmonovani geroin bilan qo‘lga tushirishdimi?” degan shov-shuvli sarlavha ostida maqola chiqargan tojikistonlik jurnalistlarni tanqid qildi, deb yozadi “12news.uz”.
“O‘ziga tortadigan sarlavhaga ehtiyoj borligini tushunaman, biroq jurnalistlik axloq qoidalari ham bor-ku? Bu menga kuchli ta’sir qildi. Mening geroinga hech qanday aloqam yo‘q, hattoki tamaki ham chekmayman-ku”, — dedi xonanda.
Usmonova bunday noto‘g‘ri ma’lumotlar san’atkorlar nomiga dog‘ tushirishini ta’kidlab, jurnalistlardan maqola yozishda ehtiyotkor bo‘lishni so‘radi. “Bundan hech kimga shon-shuhrat kelib qolmaydi. Qaytaga mushtariylarning sizdan hafsalasi pir bo‘lgani qoladi”, — deya qo‘shimcha qildi u.
Izoh (0)