Rossiyaning Astraxan shahrida istiqomat qiluvchi 20 yoshli qiz suvga tushib ketgan plansheti ortidan suvga sho‘ng‘idi. Nur.kz’ning xabar berishicha, hodisa yuz bergan vaqtda qiz mast holatda bo‘lgan.
Tergov organlari daryodan 20 yoshli qizning jasadi topilgani yuzasidan protsessual tekshiruv ishlarini olib borishgan. Jasad Krasnodar o‘lkasidagi Kazachiy Yerik daryosidan topilgan.
Bu elektron gadjetni deb o‘z jonini xatarga qo‘yish bilan bog‘liq ilk holat emas. 2013-yil bahorida Braziliyada yosh ayol qo‘lidan tushib ketgan telefonini saqlab qolish uchun yaqinlashib kelayotgan poyezd ostiga o‘zini tashlagani, so‘nggi lahzada uni politsiyachi qutqarib qolgani haqida xabar berilgandi.
2014-yil fevral oyida esa Rossiyaning Volgograd viloyatida bir ayol, kreditga sotib olgan planshetining pulini to‘lash uchun o‘z farzandini sotgani ma’lum bo‘lgandi. Xuddi shu yilning may oyida esa xitoylik ayol smartfonini hojatxona teshigiga tushirib yuborgani, qurilmani olib chiqmoqchi bo‘lgan eri va qaynonasi esa zaharli gazlardan bo‘g‘ilib halok bo‘lgani haqida xabar berilgandi.
Izoh (0)