Arecibo radioteleskopi nisbatan katta 1999 FN53 asteroidining ilk suratlarini, shuningdek, uning tuzilishi va hajmiga oid ma’lumotlarni olishga muvaffaq bo‘ldi. “RIA Novosti”ning yozishicha, mazkur asteroid o‘tgan hafta Yer sayyorasiga ancha yaqin masofadan uchib o‘tgandi.
Puerto-Rikoga o‘rnatilgan va sayyoradagi eng kattasi hisoblangan 300 metrlik radioteleskop yordamida olingan radiogramma va tasvirlar olimlarga asteroid hajmini aniqlashtirish imkonini beradi.
Ma’lum bo‘lishicha, 1999 FN53’ning diamteri 800-900 metrga teng – bungacha uning diametri yo 650 metr, yoki 1,3 kilometr deb hisoblanardi. Olimlarning hisob-kitoblariga ko‘ra, asteroid har 3,5 soatda bir marta o‘z o‘qi atrofida aylanib chiqadi.
Hajmining kattaligi va, mobodo, bunday obyektning Yerga qulashi fojeaviy oqibatlarga olish kelishi mumkinligiga qaramay, 1999 FN53 sayyoramizga hech qanday xavf solayotgani yo‘q. U hatto NASA’ning Yer atrofida harakatlanayotgan va Yerga qulash ehtimoli atigi 1 foizga teng bo‘lgan obyektlar ro‘yxatida ham yo‘q.
Izoh (0)