Россиянинг Астрахань шаҳрида истиқомат қилувчи 20 ёшли қиз сувга тушиб кетган планшети ортидан сувга шўнғиди. Nur.kz’нинг хабар беришича, ҳодиса юз берган вақтда қиз маст ҳолатда бўлган.
Тергов органлари дарёдан 20 ёшли қизнинг жасади топилгани юзасидан процессуал текширув ишларини олиб боришган. Жасад Краснодар ўлкасидаги Казачий Ерик дарёсидан топилган.
Бу электрон гаджетни деб ўз жонини хатарга қўйиш билан боғлиқ илк ҳолат эмас. 2013 йил баҳорида Бразилияда ёш аёл қўлидан тушиб кетган телефонини сақлаб қолиш учун яқинлашиб келаётган поезд остига ўзини ташлагани, сўнгги лаҳзада уни полициячи қутқариб қолгани ҳақида хабар берилганди.
2014 йил февраль ойида эса Россиянинг Волгоград вилоятида бир аёл, кредитга сотиб олган планшетининг пулини тўлаш учун ўз фарзандини сотгани маълум бўлганди. Худди шу йилнинг май ойида эса хитойлик аёл смартфонини ҳожатхона тешигига тушириб юборгани, қурилмани олиб чиқмоқчи бўлган эри ва қайнонаси эса заҳарли газлардан бўғилиб ҳалок бўлгани ҳақида хабар берилганди.
Изоҳ (0)