AQSH harbiy-havo kuchlari o‘z sun’iy yo‘ldoshlari tizimini himoya qilish maqsadida hujumkor va mudofaa maqsadlarida foydalaniladigan kosmik qurollarni ishlab chiqish va joriy etish uchun o‘z byudjetidan 5 milliard dollar ajratdi. Bu haqda Korrespondent.net xabar bermoqda.
AQSH tomonining bu qadar jiddiy xavotirlari va tezkor choralar ko‘rishiga fazoviy kengliklarda yuz bergan birdaniga ikki muhim voqea sabab bo‘ldi. Ulardan biri – Rossiya yaqinda uchta telekommunikatsion sun’iy yo‘ldosh va nisbatan past orbitadan yuqori orbitaga ko‘tarila oladigan, shuningdek, boshqa obyektlarga yaqinlasha oladigan kosmik qurilmani fazoga olib chiqdi.
“Ushbu qotil-yo‘ldosh boshqa bir orbital qurilmaning muhim tizimlarini ishdan chiqarishi va unga portlovchi uskunani o‘rnatishi va hatto kamikadze uslubida hujumga o‘tishi ham mumkin”, - dedi AQSH harbiy-havo kuchlari vaziri Debora Li Jeyms.
Ikkinchidan esa, Xitoy sun’iy yo‘ldoshga qarshi o‘z raketalarini izchillik bilan tekshirishga kirishdi. Shunday raketalardan birining yordami bilan 2007-yilda Xitoyning ishdan chiqqan sun’iy yo‘ldoshlaridan biri urib tushirilgan edi.
Li Jeymsning so‘zlariga ko‘ra, Rossiya va Xitoynnig so‘nggi sinov va tajribalari Vashingtonda katta xavotir bilan kuzatib borilmoqda va nizolar qachondir Yerdan fazoga ko‘chadigan bo‘lsa, bunga tayyor turmoq kerak.
Izoh (0)