Blizzard kompaniyasi Diablo III o‘yini chiqarilganining uch yilligini unga vaqtincha jangovar sigirlardan iborat bosqichni qo‘shish bilan nishonlashini e’lon qildi. Bu haqda kompaniya saytida axborot berilgan.
https://youtu.be/m7QLR4_tQAY
Diablo III’ning PC, PS4 va Xbox One uchun chiqarilgan versiyalarining egalari bosqichda o‘zlarini sinab ko‘rishlari mumkin bo‘ladi. Xbox 360 va PS3 varianti egalarini sigirlar oldiga qo‘yishmaydi. Biroq ular o‘z qahramonliklari uchun qo‘lga kiritgan oltin va o‘yin tajribasi bayram davri mobaynida ikkiga ko‘paytiriladi.
Diablo III ekshn elementlariga ega rollik o‘yinlar janriga mansub bo‘lib, 2012 yil yakunlariga ko‘ra PC uchun eng ko‘p sotilgan o‘yin deb tan olingan.
Izoh (0)