Arecibo радиотелескопи нисбатан катта 1999 FN53 астероидининг илк суратларини, шунингдек, унинг тузилиши ва ҳажмига оид маълумотларни олишга муваффақ бўлди. «РИА Новости»нинг ёзишича, мазкур астероид ўтган ҳафта Ер сайёрасига анча яқин масофадан учиб ўтганди.
Пуэрто-Рикога ўрнатилган ва сайёрадаги энг каттаси ҳисобланган 300 метрлик радиотелескоп ёрдамида олинган радиограмма ва тасвирлар олимларга астероид ҳажмини аниқлаштириш имконини беради.
Маълум бўлишича, 1999 FN53’нинг диамтери 800-900 метрга тенг – бунгача унинг диаметри ё 650 метр, ёки 1,3 километр деб ҳисобланарди. Олимларнинг ҳисоб-китобларига кўра, астероид ҳар 3,5 соатда бир марта ўз ўқи атрофида айланиб чиқади.
Ҳажмининг катталиги ва, мободо, бундай объектнинг Ерга қулаши фожеавий оқибатларга олиш келиши мумкинлигига қарамай, 1999 FN53 сайёрамизга ҳеч қандай хавф солаётгани йўқ. У ҳатто NASA’нинг Ер атрофида ҳаракатланаётган ва Ерга қулаш эҳтимоли атиги 1 фоизга тенг бўлган объектлар рўйхатида ҳам йўқ.
Изоҳ (0)