13-may kuni eng yirik telekommunikatsiya xizmatlari xalqaro provayderlaridan biri VimpelCom Ltd (O‘zbekistonda Beeline savdo belgisi) 2015-yilning I choragi bo‘yicha o‘z moliyaviy va operatsion natijalarini e’lon qildi, deya xabar bermoqda “Mobinfo.uz”.
2015-yilning birinchi uch oyi natijalariga ko‘ra, Beeline’ning O‘zbekistondagi mijozlari bazasi 10 356 000 kishini tashkil etdi, bu 2014-yilning IV choragidagi ko‘rsatkichdan 228 ming kishi (2,1%)ga kam demakdir.
Beeline hisobotida aytilishicha, ko‘rsatilgan davrda mobil aloqa abonentining har biri hissasiga 12 819 so‘mlik oylik hisob to‘g‘ri keladi, bu o‘tgan yildagidan 14 foizga ko‘p demakdir. Shu bilan birga, oyiga har bir abonent foydalangan daqiqalar miqdori 491 daqiqaga teng bo‘ldi.
Beeline aloqa operatorining yanvar—martdagi sof operatsion daromadi 409 milliard so‘mni tashkil etdi.
Izoh (0)