Avstraliyalik taniqli animator Dankan Elms o‘tirgan holatdagi hayot tarzining asosiy oqibatlari haqida hikoya qiluvchi 60 soniyalik videoni tayyorladi. Bu haqda TJ xabar bermoqda.
Muallifning so‘zlariga ko‘ra, rolik yaqinda o‘tkazilgan, 200 ming kishi ishtirok etgan tadqiqot natijalariga asoslangan. Ushbu tadqiqotga ko‘ra, kuniga 11 soat o‘tiradigan odamlarda erta o‘lim ehtimoli kuniga 4 soat o‘tiradigan odamlarga nisbatan 40 foizga ko‘proqdir.
Inson o‘tirishi bilan uning organizmi yog‘ parchalashni 90 foizga sekinlashtiradi, insulin darajasi tushib ketadi, qon bosimi esa, aksincha, ko‘tariladi. Kunning asosiy qismini o‘tirish bilan o‘tkazadigan odamlarda kardiovaskulyar kasalliklar, diabet, semirish, ko‘krak bezi va ichak saratoniga chalinish, shuningdek, miyada qon quyqalari paydo bo‘lishi ehtimoli oshadi.
Bu Elmsning 60 soniyalik ilk roligi emas. Aprel oyida u aktyor Kianu Rivz ishtirokida bir daqiqalik video tayyorlagan, unda san’atkor Deep Web haqida hikoya qiladi.
2013-yili esa dizayner bitkoinlar qanday ishlashini tushuntiruvchi uch daqiqalik rolikni omma e’tiboriga havola qilgandi.
Izoh (0)