Belarus poytaxti Minsk shahrida o‘tkazilgan an’anaviy xalqaro turnirda muvaffaqiyatli ishtirok etgan O‘zbekiston terma jamoasi a’zolari 2 ta oltin, 4 ta kumush va 2 ta bronza medaliga sazovor bo‘ldi, deya xabar bermoqda O‘zbekiston Milliy olimpiya qo‘mitasi rasmiy sayti.
Tajribali murabbiy Marat Qurbonov boshchiligida navbatdagi xalqaro turnirda zafarli ishtirok etgan charm qo‘lqop ustalari o‘nta vazn toifasidan sakkiztasida sovrinli o‘rinlarni qo‘lga kiritdi.
O‘zbekiston terma jamoasi hisobiga oltin medallarni Shahobiddin Zoirov (-52 kg) va Bahodir Jalolov (+91 kg) keltirdi. Murodjon Ahmadaliyev (-56 kg), Mahmud G‘oipov (-69 kg), Zuhriddin Mahkamov (-81 kg) hamda Rustam To‘laganov (-91 kg) kumush medallarga sazovor bo‘lgan bo‘lsa, Abdulla Qo‘chqorov (-49 kg) va Elnur Abduraimov (-60 kg) bronza medali sohibi bo‘ldi.
Mazkur xalqaro turnirda Marat Qurbonov boshchiligidagi murabbiylar guruhidan To‘lqin Qilichev va Abduvali Shomirzayevlar o‘rin oldi.
Izoh (0)