WBA талқини бўйича супероғир вазнда доимий жаҳон чемпиони ҳисобланган Руслан Чагаев 2015 йил 11 июль куни Германиянинг Магдебург шаҳридаги GETEC Arena'да ўз совринини кўнгилли равишда ҳимоя қилади. Бу ҳақда 12news.uz хабар бермоқда.
Шу куни 90,7 килограммдан ортиқ вазн тоифасида италиялик Франческо Пьянета (31та ғалаба (17таси нокаут билан), 1 дуранг, 1 мағлубият) Чагаевга қарши рингга кўтарилади.
2014 йилнинг июлида Чагаев Чеченистон пойтахти Грознийда бўлиб ўтган жангда Фрес Окендани мағлуб этиб, WBA талқини бўйича доимий жаҳон чемпиони камарини қўлга киритган эди.
36 ёшли Чагаев ҳозирги қадар профессионал рингда 33та ғалабага эришган (ушбу ғалабаларнинг 20тасида Чагаев рақибларини нокаутга учратган), икки марта мағлуб бўлган ва бир марта дуранг ўйнаган.
Эслатиб ўтамиз, Чагаев камар ҳимояси учун жангни австралиялик Лукас Браунга (22 ғалаба (19таси нокаут билан), 0 мағлубият) қарши ўтказиши керак эди, бироқ томонлар ушбу жангни ўтказиш борасида бир тўхтамга кела олишмади.
Изоҳ (0)