BMT bosh kotibi Pan Gi Mun Ukrainadagi harbiy nizoni tartibga solish uchun bor imkoniyatlarini ishga solgan holda ko‘mak berish niyatida ekanligini ma’lum qildi. Bu haqda Segodnya.ua xabar bermoqda.
BMT rahbari bu haqda Ukraina prezidenti Pyotr Poroshenko bilan birga “Xotira lolaqizg‘aldoqlari” aksiyasi doiraisda Ulug‘ Vatan urushi tarixi milliy muzeyidagi “Ukraina... Urush...” installyatsiyasining ochilishi aytib o‘tgan.
Pan Gi Munning qayd etishicha, mamlakatni natsizm tajovuzidan himoya qilish maqsadida kurashgan jasur ukrain askarlari va fuqarolarini xotirlash kunida Ukrainada bo‘lib turgani o‘zi uchun katta sharafdir.
Ukraina prezidenti Pyotr Poroshenko Xotira kunida Ukrainaga tashrif buyurgani uchun Pan Gi Munga minnatdorchilik bildirib, BMT va shaxsan tashkilot bosh kotibining tinchlikparvar urinishlarini yuqori baholadi.
Poroshenko Ukraina fashizm ustidan qozonilgan g‘alabadagi xizmatlarining tan olinishi ko‘rinishida BMTning tashkil etilishida ishtirok etganini eslatib o‘tdi. Ayni vaqtda, uning so‘zlariga ko‘ra, ukrainalik tinchlikning bahosini hammadan ham yaxshiroq bilishadi va hozir ham tinchlikni saqlash kerakligini his qilib turishibdi.
Poroshenkoning qayd etishicha, u Pan Gi Mun bilan Donbassdagi nizoni bartaraf etish va mintaqada tinchlik o‘rnatish uchun tinchlikparvar kuchlarni jalb etish imkoniyatlarini muhokama qilgan.
Izoh (0)