Yo‘lovchilarni tashish uchun bahor-yoz mavsumida Toshkent-janubiy — Salor — Hojikent yo‘nalishidagi shahar atrofiga qatnaydigan elektr poyezd ishga tushiriladi, deya xabar bermoqda “O‘ztemiryo‘lyo‘lovchi” AJ rasmiy sayti.
U 9-maydan 30-avgustga qadar haftaning shanba va yakshanba kunlari qatnaydi.
Poyezd Toshkentning Janubiy vokzalidan 6:30 da jo‘nab, Salor stansiyasiga 6:51 da, Hojikentga 8:08 da yetib keladi. Hojikentdan 18:13 da jo‘nab, Salor stansiyasidan 19:30 da o‘tadi va Toshkentga 19:52 da yetib keladi.
Yo‘lga 1 soat-u 40 daqiqa vaqt sarflanadi. Chipta narxi kattalar uchun 6000 so‘m, 10 yoshgacha bo‘lgan bolalar uchun 4500 so‘m.
Izoh (0)