O‘zbekistonning 68ta korxonasidagi davlat aktivlari xorijiy investorlarga sotib olish uchun taklif qilinadi. Bu haqda, “Gazeta.uz”ning xabar berishicha, O‘zbekiston Prezidentining 28-apreldagi qarorida belgilab qo‘yilgan.
Qarorga muvofiq tashkil etiladigan maxsus hukumat komissiyasi bir oylik muddat ichida davlat aktivlari xorijiy strategik hamkorlarga sotilishi kerak bo‘lgan 48ta korxona va moliyaviy muassasani baholash va savdoga qo‘yish jadvalini tasdiqlashi kerak.
Davlat ulushi sotuvga qo‘yiladigan korxonalar orasida kimyo sanoatining “Navoiyazot” (49 foizi sotiladi), “Farg‘onaazot” (48,5 foiz) kabi yirik korxonalari, qurilish sohasidagi “Qizilqumsement” (35,9 foiz), avtomobilsozlik sohasidagi “Jizzax akkumlyator zavodi” (33 foiz), “Aloqabank” (47,6 foiz), “Turonbank” (63,1 foiz), “O‘zagrosug‘urta” (24,6) kabi moliya institutlari bor.
Yirik sanoat korxonalarining mulklarini sotuvga qo‘yishdan tashqari, 343ta xo‘jalik subyektlari va korxonalarning davlat ulushlarini ochiq savdolar orqali, modernizatsiya qilish sharti bilan xususiy tadbirkorlarga sotish ko‘zda tutilgan.
Bundan tashqari, 512ta davlat mulki obyektlarini, xususan, qurilishi yakunlamagan inshootlarni tanlov asosida investitsiya majburiyatlarini qabul qilish sharti bilan “nol” qiymatida sotish rejalashtirilgan.
Prezident qarorida past rentabelli va faoliyat olib bormayotgan 257ta korxona ro‘yxati keltirilgan bo‘lib, ular bo‘yicha tugatish va bankrotlik jarayonlari boshlanadi.
Izoh (0)