«Реал» кетма-кет учинчи йил дунёнинг энг қиммат футбол клуби деб топилди

Испаниянинг «Реал» жамоаси Forbes журнали томонидан эълон қилинган дунёнинг энг қиммат футбол клублари рўйхатида яна биринчи ўринни эгаллади, деб хабар қилади «Championat.com».

Жамоа кетма-кет учинчи марта жаҳоннинг энг қиммат футбол клубига айланди. «Қироллик клуби» журнал томонидан 3,26 миллиард долларга баҳоланган. Мадридликларнинг даромади 746 миллион долларни ташкил этди ва ўтган йилги кўрсаткичга нисбатан 5 фоиз пастлади.

«Барселона» жамоаси худди бир йил олдингидек иккинчи ўринни эгаллади, «Манчестер Юнайтед» эса учинчи бўлди.

Дастлабки йигирматаликка кирган жамоаларнинг ўртача баҳоси 1,16 миллиард долларга тенг. Бу ўтган йилги кўрсаткичга қараганда 11 фоизга кўп деганидир. Йигирматалик рўйхатга Англия Премьер-лигасидан 8 та, Италиядан 4 та ва Германиядан 3 та клуб киритилди.

Forbes талқини бўйича дунёнинг энг қиммат 10 клуби рўйхати қуйидагича кўриниш олган:

1. «Реал» — 3,26 млрд доллар2. «Барселона» — 3,16 млрд3. «Манчестер Юнайтед» — 3,1 млрд4. «Бавария» — 2,35 млрд5. «Манчестер Сити» — 1,38 млрд6. «Челси» — 1,37 млрд7. «Арсенал» — 1,31 млрд8. «Ливерпуль» — 0,98 млрд9. «Ювентус» — 0,84 млрд10. «Милан» — 0,76 млрд