«Реал» клуби ва Португалия терма жамоаси ҳужумчиси Криштиану Роналду реклама акцияларидан бирида унга португал тилида савол берган япониялик болани қўллаб-қувватлади, деб хабар беради The Independent.
Болакай ўйинчининг қаршисига ўтирди ва қоғозда ёзилган саволни ўқишга тушди. Унинг ёмон талаффузи залда ўтирганларда кулгу уйғотди, аммо Роналду вазминликни йўқотмади.
«Нима учун улар кулишяпти? У португалчада яхши гапиряпти, ҳеч бўлмаса бунинг учун ҳаракат қиляпти», — деб футболчи тадбир бошловчиларига юзланди. Унинг сўзларини йиғилганлар қарсаклар билан қарши олди.
https://youtu.be/M2PwPpQoBB4
Эслатиб ўтамиз, апрель охирида Роналду ўз зарбасидан жабрланган болага футболкасини совға қилганди.
Бундан ташқари, Криштиану Роналду италиялик мухлисасининг хурсандчиликдан ҳўнг-ҳўнг йиғлашига сабабчи бўлди.
Изоҳ (0)