Afg‘oniston prezidentining Markaziy Osiyo bo‘yicha maxsus vakili Shokir Kargar boshchiligidagi Afg‘oniston delegatsiyasi o‘tgan hafta tashrif bilan O‘zbekistonda bo‘ldi. Review.uz’ning xabar berishicha, Kargar O‘zbekiston iqtisodiyot vaziri Galina Saidova bilan ikkitomonlama bitim imzolagan.
O‘zbekiston va Afg‘oniston hukumatlari energetika, transport, savdo va tranzit sohalaridagi hamkorlikni yanada mustahkamlashga doir bitim imzolagan. Hujjat ikki mamlakat aviakompaniyalari Toshkent va Kobul o‘rtasida bevosita aviaqatnovlarni yo‘lga qo‘yishi haqida hukumatlararo axborot tayyorlanishini ko‘zda tutadi.
Afg‘oniston Tashqi ishlar vazirligi matbuot kotibi Shokib Mustagniyning ma’lum qilishicha, bitimning imzolanishi ikki mamlakat o‘rtasidagi savdo va tranzitning rivojiga xalal berayotgan to‘siqlarni bartaraf etadi. Xususan, O‘zbekiston temiryo‘l infrazutilmasini qurish bo‘yicha loyihalarni amalga oshirishda Afg‘onistonga yordam beradi.
Bitimlarga ko‘ra, O‘zbekiston tomoni “Hayraton – Hirot” temiryo‘lini qurish hamda Mozori-Sharif va Hirot shaharlarini bog‘lovchi halqa yo‘lini qurish uchun geologiya-razvedka ishlarini olib borish ishlarida ham Afg‘onistonga ko‘mak beradi.
Bundan tashqari, Afg‘oniston poytaxtida ham, O‘zbekiston poytaxtida ham ikki mamlakatning birgalikdagi sanoat yarmarkalari tashkil etiladi.
Izoh (0)