Joriy yilning I choragida 4,5 ming gektar yerda tokzorlar yaratildi

O‘zbekiston Respublikasini 2015-yilning I choragida ijtimoiy-iqtisodiy rivojlantirish yakunlari e’lon qilindi, deya xabar bermoqda O‘zA.

2013—2017-yillarda sug‘oriladigan yerlarning meliorativ holatini yaxshilash va suv resurslaridan oqilona foydalanish Davlat dasturini amalga oshirish doirasida joriy yilning birinchi choragida 190 kilometrdan ortiq kollektor, 3 vertikal drenajli quduq, 6 kuzatuv qudug‘i va 23,8 kilometr yopiq kollektor-drenaj tarmog‘ini qurish va rekonstruksiya qilish ishlari yakunlandi.

Natijada joriy yilning birinchi choragida asosiy va oraliq ekin maydonlarining 126,2 ming gektariga sabzavot, 65,6 ming gektariga kartoshka va 4,7 ming gektariga poliz ekinlari ekildi. 4,9 ming gektar maydonda yangi intensiv bog‘lar, 4,5 ming gektar yerda tokzorlar, 169,9 gektar maydonda 305 issiqxona yaratildi. 11,1 ming gektar maydondagi bog‘ va 4,4 ming gektar tokzorlar rekonstruksiya qilindi.