2015-yilning 30-aprel kuni O‘zbekiston Respublikasi Davlat soliq qo‘mitasi binosida “Soliq ma’murchiligining islohotlari va ularning taraqqiyoti. Soliq ma’murchiligi bo‘yicha ko‘maklashishga bo‘lgan ehtiyoj” mavzusini muhokama qilish uchun Xalqaro valyuta jamg‘armasi missiyasi vakillari bilan uchrashuv bo‘lib o‘tdi. Bu haqda Qo‘mita rasmiy sayti xabar berdi.
Tadbir O‘zbekiston Respublikasi Bosh vaziri tomonidan tasdiqlangan, Xalqaro valyuta jamg‘armasi missiyasining (2015-yil 29-aprel – 14-may) O‘zbekiston Respublikasiga bo‘ladigan tashrifi Dasturiga muvofiq o‘tkazildi.
Uchrashuvda soliq ma’murchiligini takomillashtirish, soliq siyosatini isloh qilish, soliq yukini yengillashtirish, soliq solish bazasini kengaytirish va yangi ish o‘rinlarini yaratishga yo‘naltirilgan choralar bilan bog‘liq masalalar hamda Davlat soliq qo‘mitasi tomonidan interaktiv davlat xizmatlarini ko‘rsatish masalalari va ularning soliq ma’murchiligi va soliq solish bazasini kengaytirishdagi o‘rni muhokama qilindi
Izoh (0)