ZiyoNET Resurs markazi tomonidan “Keksalarni e’zozlash yili” munosabati bilan “Mening bobom, buvim-mahallamiz faxri” mavzusida eng yaxshi insholar tanlovi e’lon qilinadi, deb xabar bermoqda ZiyoNET Resurs markazi axborot xizmati.
Tanlovda barcha umumta’lim muassasalarining 8-9-sinf o‘quvchilari o‘z insholari bilan ishtirok etishi mumkin. Insholar o‘zbek yoki rus tillarida qabul qilinadi.
Insho “Keksalarni e’zozlash yili” Davlat dasturi mazmun-mohiyatidan kelib chiqqan holda, unda qanday vazifalarni amalga oshirish g‘oyasi ilgari surilganligi, dastur asosida O‘zbekistonda amalga oshirilayotgan xayrli ishlarni hayotiy misollar, badiiy va publitsistik asarlar va xalq maqollari, hikmatli so‘zlar, ibratli rivoyat va boshqa materiallardan o‘rinli va unumli foydalangan holda yoritib berilishi lozim.
Insho matni so‘ngida har bir ishtirokchi o‘z ism-familiyasi bilan birga ma’muriyat bog‘lana olishi uchun telefon raqami, manzili, ta’lim muassasasi nomini ko‘rsatishi lozim.Shuningdek, ishtirokchilardan ijod namunalarini ushbu internet manziliga joylashtirishi ham talab etiladi.
Tanlov joriy yilning 24-aprelidan 24-mayiga qadar davom etadi va oxirgi ijod namunasi 20-may kuni soat 18:00 gacha qabul qilinadi.
G‘oliblar qo‘yidagi qimmatbaho sovg‘alar bilan taqdirlanadi:
- 1-o‘ringa “Televizor”;
- 2-o‘ringa “Planshet”;
- 3-o‘ringa “Smartfon”.
Izoh (0)