Ikkinchi marotaba o‘tkazilayotgan o‘zbek blogerlari o‘rtasidagi chempionatda eng hal qiluvchi bosqichga start berildi, deya xabar bermoqda “Xushnudbek.uz”.
Ikkinchi bosqichda ishtirok etgan 43 nafar blogerlar ishlarini hakamlar, blogerlar hamda mushtariylar baholab chiqdi hamda finalga yo‘l olgan 10 nafar bloger nomini aniqlab berdi.
Aytish joizki, ovoz berish jarayonida deyarli har kuni peshqadamlar ro‘yxati o‘zgarib turdi. Finalga chiqish uchun jiddiy kurash ketganini blogerlar to‘plagan reyting ballaridan ham ko‘rish mumkin.
Demak, yakuniy natijalarga ko‘ra, quyidagi blogerlar final bosqichida kuch sinashadigan bo‘ldi:
- Jamshid Niyozov
- Davronbek Parmonov
- Nosirxon Azizov
- G‘ayrat Sher
- Maqsud Salomov
- Shukurjon Islomov
- Aziz Qarshiyev
- Isroil Tillaboyev
- Sherzod G‘aybullayev
- Nigora Salihova
Yana shuni alohida ta’kidlash joizki, finalga chiqqan barcha ishtirokchilarga tanlov hamkori UzInfoCom markazi tomonidan 2 yil muddatga tekin xosting ajratiladi. Bunda 1—3 o‘rinlarni olgan blogerlarga 1 Gb hajmdagi, qolgan 7 nafar finalchilarga esa 250 Mb hajmdagi xosting taqdim etiladi, finalga yo‘l olib, ammo unda ishtirok etmagan blogerlar bundan mustasno.
Izoh (0)