3,5 oy ichida Toshkent aholisi metrodagi safarlar uchun 1,5 mlrd so‘mdan ortiq keshbek olgan.
ATTO va Uzum Bank o‘rtasida O‘zbekiston jamoat transportida elektron to‘lovlarni rivojlantirish bo‘yicha strategik hamkorlikni kengaytirish to‘g‘risida bitim imzolandi. 2024-yil 1-noyabrdan boshlab bank mijozlari Toshkent metrosidagi to‘lovlar uchun 1,5 mlrd so‘mdan ortiq keshbek oldi. Kompaniyalar muvaffaqiyatli sinov tajribasini amalda qo‘llash va loyihani kengaytirishni rejalashtirmoqda.
Yo‘lovchilar shahar transportining turli vositalarida yo‘l haqini to‘lash uchun Uzum Bank ilovasidagi yagona QR-koddan foydalanishi mumkin. Vosita foydalanuvchilarga safarlar uchun pul tejash va to‘lovlarni tezroq bajarish imkonini beradi. Loyihaning maqsadi — an’anaviy to‘lovlardan raqamli to‘lovlarga o‘tish, transport tranzaksiyalarining shaffofligini oshirish va bir martalik chiptalarni chop etish uchun qog‘oz sarfini kamaytirish.
“Jamoat transportida QR-kod orqali to‘lash Uzum Bank foydalanuvchilari orasida tobora ommalashib bormoqda, bank ilovasida oshirilgan keshbek esa xizmatlarning nafaqat qulay, balki foydali bo‘lishiga yordam beradi. Tez orada ushbu to‘lov usuli foydalanuvchilar uchun poytaxt avtobuslarida ham amal qila boshlaydi. Oldinda bizni katta va istiqbolli rejalar kutmoqda, Uzum Bank bilan hamkorligimizni rivojlantirish va ko‘lamini kengaytirish butun mamlakat bo‘ylab jamoat transportida elektron to‘lovlarni rivojlantirish uchun turtki bo‘lib xizmat qiladi”, izoh berdi ATTO ijrochi direktori Davron Shoyoqubov.
“ATTO bilan hamkorlikda bank ilovasida metro uchun QR-kod orqali to‘lovni joriy etdik va 2024-yil noyabr oyidan boshlab yo‘lovchilarga har bir safardan oshirilgan keshbek berib kelmoqdamiz. Raqamli servislar orqali transport uchun to‘lov qilish — foydalanuvchilar uchun odatiy va tushunarli vosita. Buning evaziga chipta sotib olish uchun vaqt sarflashga to‘g‘ri kelmaydi va bu transportning o‘tkazuvchanlik xususiyatini oshiradi. Biz servisni Toshkent avtobuslarida sinovdan o‘tkazishni boshlaganmiz va foydalanuvchilar yo‘l haqini tez, qulay va texnologik tarzda to‘lashlari uchun loyihani butun mamlakat bo‘ylab rivojlantirishni rejalashtirmoqdamiz”, qayd etdi Uzum Fintech CEO Yegor Abramets.
Reklama huquqi asosida.
Izoh (0)