Toshkent mezbonligida o‘tayotgan dzyudo bo‘yicha “Katta Dubulg‘a” turnirining ikkinchi kuni ortda qoldi.
Turnirning ikki kunlik natijalariga ko‘ra, o‘zbekistonlik dzyudochilar jami 8 ta medal — 3 ta kumush va 5 ta bronza jamg‘ardi. Ikkinchi kungi bahslardan so‘ng, O‘zbekiston terma jamoasi umumjamoa hisobida ikkinchi o‘rinni band etib turibdi.
Musobaqaning ilk kunida 60 kg vazn toifasida Kamoliddin Baxtiyorov hamda Anvarjon Ibrohimov, 66 kg vazn toifasida tatamiga chiqqan Muhriddin Tilovov va Artyom Shturbabin bronza medaliga ega chiqqan bo‘lsa, yana bir 66 kg vazn toifasida gilamga chiqqan Zamaxshari Bekmurodov kumush medal sohibiga aylandi.
Ikkinchi kun bahslarida esa 20 yoshli Xurshida o‘zining ilk katta musobasidayoq kumush medalni qo‘lga kiritdi. 73 kg vazn toifasida tatamiga chiqqan Shahram Ahadov bronza medalini o‘ziniki qildi. 81 kg vazn toifasidagi Arslonbek Tojiyev finalda Temur Arbuzovga imkoniyatni boy berib, kumush medal sohibiga aylandi.
Kumush medallar:
-66 kg: Zamaxshari Bekmurodov
-81 kg: Arslonbek Tojiyev
-70 kg: Xurshida Razzoqberdiyeva
Bronza medallar:
-60 kg: Kamoliddin Baxtiyorov
-60 kg: Anvarjon Ibrohimov
-66 kg: Muhriddin Tilovov
-66 kg: Artyom Shturbabin
-73 kg: Shahram Ahadov
Ma‘lumot o‘rnida, ushbu musobaqa 28-fevraldan 2-martga qadar davom etadi.
Izoh (0)