Jamshid Rizayev Sug‘urta nazorati davlat inspeksiyasi boshlig‘i etib tayinlandi

Jamshid Rizayev O‘zbekiston Moliya vazirligi huzuridagi Sug‘urta nazorati davlat inspeksiyasining yangi boshlig‘i etib tayinlandi. Bu haqda UzReport xabar bermoqda.

Tegishli qaror O‘zbekiston moliya vaziri Rustam Azimov tomonidan 1 may, juma kuni imzolangan.

Jamshid Rizayev ushbu lavozimga tayinlanguniga qadar “O‘zbekinvest” eksport-import milliy kompaniyasi bosh direktorii o‘rinbosari sifatida ishlab kelayotgandi.

Eslatib o‘tamiz, O‘zbekiston qonunchiligiga muvofiq, Moliya vazirligi huzuridagi Sug‘urta nazorati davlat inspeksiyasi sug‘urta munosabatlarining barcha ishtirokchilari huquq va qonuniy manfaatlarini himoya qilish maqsadida O‘zbekiston hududidagi barcha sug‘urta tashkilotlari faoliyati ustidan nazorat o‘rnatadi.