Olma-Otada qurilayotgan ko‘prikning buzilib ketgani yuzasidan jinoyat ishi qo‘zg‘atildi

Olma-Ota ichki ishlar departamentining tergov boshqarmasi qurilayotgan ko‘prik buzilib ketishi holati yuzasidan jinoyat ishi ochdi. Bundan tashqari, bir qator ekspertiza tadbirlarini o‘tkazish rejalashtirilgan, deya xabar bermoqda Nur.kz.

Jinoyat ishi Qozog‘iston Jinoyat kodeksining ikki moddasi – 277-modda 2-bandi (“Tog‘ va qurilish ishlarini olib borishda xavfsizlik qoidalarini buzish”) va 156-modda 2-bandi (“Mehnat muhofazasi qoidalarini buzish”) bo‘yicha qo‘zg‘atilgan.

Eslatib o‘tamiz, 24-aprel kuni Olma-Otada Risqulov va Sain shohko‘chalari kesishmasida qurilayotgan ko‘prik buzilib ketgandi. Favqulodda vaziyatlar departamenti ma’lumotlariga ko‘ra, hodisa natijasi 20 kishi shifoxonaga yotqizilgan, bir kishi halok bo‘lgan.

Fojea ro‘y bergan kuni ko‘prik qurilishida 52 kishi ishlayotgan bo‘lgan.