AQSHda shamol poyezdni ko‘prikdan tushirib yubordi (video)

AQSHning Luiziana shtatida bo‘ron temiryo‘l ko‘prigida harakatlanib ketayotgan poyezd vagonlarini ag‘darib tashladi. Bu haqda Nur.kz xabar bermoqda.

Xabar berishlaricha, 11ta vagon 15 metr balandlikdan yerga qulagan. Hodisa shtat fuqarolaridan birining avtomobilidagi videoregistratorga yozib olingan.

https://youtu.be/1WQp8taIYXs

Ag‘darilgan vagonlarda zaharli moddalar bo‘lmagan, vagonlar ag‘darilgan joy avtomobillar harakatiga mo‘ljallangan hudud emas edi. Hodisa natijasida hech kim jabrlanmagan.

Ma’lumot uchun, Luizianadagi bo‘ron natijasida Elmvud va Baton-Ruj shaharlari eng ko‘p jabr ko‘rgan, sinib ketgan daraxtlar o‘nlab avtomobillarga zarar yetkazgan.

Ko‘chalarda avtomobillar harakati og‘irlashgan, elektr simlarining uzilib ketgani natijasida o‘n minglab aholi chiroqsiz qolgan.