25-aprel, shanba kuni Jazoir milliy chempionatining 26-tur o‘yinlari bo‘lib o‘tdi. Chempionat tugashiga 4 tur qolganda birinchi va oxirgi o‘rindagi jamoalarni 11 ochko ajratib turibdi, deb xabar qiladi “Sports.ru”.
Ayni vaqtda yuzaga kelgan turnir jadvalidagi holatga ko‘ra, oxirgi 16-o‘rindagi “Xuseyn Dey” klubi yakunda 1-pog‘onadagi “Setif”dan ham o‘tib ketishi mumkin.
Milliy chempionat o‘yinlari 13-iyun kuni yakunlanadi. Ungacha esa kim chempion bo‘lishi, kim quyi ligaga tushib ketishi mumkinligini taxmin ham qilib bo‘lmaydi.
Bu kabi qiziq holatlar Afrika qit’asida tez-tez kuzatiladi.
Izoh (0)