Yevropa Kengashining Parlament assambleyasi (YKPA) Xalqaro futbol uyushmalari federatsiyasi (FIFA)ni 2022-yilgi jahon chempionati mezbonini aniqlash bo‘yicha ovoz berish jarayonini qayta tashkil etishga chaqirdi. Bu haqda YKPA saytidagi bayonotda ma’lum qilingan.
“Ovoz berish jarayoni “noqonuniy harakatlar bilan shu qadar prinsipial darajada buzilganki”, FIFA bu boradagi ovoz berish jarayonini adolatli amaliyotlar yordamida qaytadan o‘tkazishi kerak”, - deyiladi bayonotda.
Avvalroq, Britaniya matbuotida Osiyo futbol konfederatsiyasining sobiq rahbari, qatarlik Muhammad Bin Hammam Qatarga JCh-2022 mezbonligi topshirilishi uchun FIFA amaldorlariga 5 million dollardan ziyod pora bergani haqida xabarlar paydo bo‘lgandi.
Ushbu holat bo‘yicha FIFA tegishli tergov-surishtiruv ishlarini o‘tkazib, uning yakuniga ko‘ra Qatardan korrupsiya bilan bog‘liq gumonni olib tashlagan edi.
Izoh (0)