O‘zbekistondagi 5 ta va Tojikistondagi 8 ta partiyadan farqli o‘laroq, Qirg‘izistonda 199 ta partiya ro‘yxatga olingan. Bu haqda Qirg‘iziston adliya vaziri o‘rinbosari Bishkekda bo‘lib o‘tgan davra suhbatida aytib o‘tdi, deb yozadi “Knews.kg”.
Uning so‘zlariga ko‘ra, Adliya vazirligi organlarida siyosiy partiyani ro‘yxatdan o‘tkazish uchun kamida 10 kishidan imzo yig‘ish kerak.
“Qirg‘izistonda ayni paytda 199 ta siyosiy partiya ro‘yxatdan o‘tgan. Taqqoslash uchun, Rossiyada partiyani kamida 500 kishi tuza oladi, shu sababli u yerda 77 ta partiya mavjud. Belarusda partiya kamida ming kishi ishtirokida tashkil qilinadi, u yerda 15 ta partiya ro‘yxatdan o‘tgan. Tojikistonda 8 ta partiya bor. O‘zbekistonda partiya tuzish uchun kamida 2 ming kishining imzosi talab etiladi va u yerda ro‘yxatdan o‘tgan partiyalar soni 5 ta”, — dedi adliya vaziri o‘rinbosari.
Kutuyeva yangi qonun loyihasi siyosiy partiyalarni ro‘yxatga olishga aloqador qonunga o‘zgartirish kiritishni ko‘zda tutishini aytdi. Partiyani ro‘yxatga kiritish uchun talab etiladigan shaxslar sonini 10 dan 120 nafargacha oshirish taklif qilinmoqda.
Izoh (0)