Taniqli italiyalik neyroxirurg Serjio Kanavero rossiyalik Valeriy Spiridonovning boshini ko‘chirib o‘tkazish operatsiyasini Rossiyada o‘tkazishga tayyorligini, buning uchun mamlakat hukumatidan bunday operatsiya o‘tkazish uchun ruxsat olish zarurligini ma’lum qildi, deb yozadi “Noviy vek”.
Neyroxirurg operatsiya siyosiy ahamiyatga ega ekanligini aytdi. Uning so‘zlariga ko‘ra, birinchi marta bir odamning boshi ikkinchisining tanasiga ko‘chiriladigan mamlakat shubhasiz jahon tarixiga kiradi.
Jarroh operatsiya chog‘ida bemorning boshi 10—15 darajagacha sovitilishini aytdi. “Boshni boshqa tanaga ‘ulash’ uchun bir soat, qon tomirlarini ulashga esa bir necha daqiqa vaqtimiz bo‘ladi. Valeriyning boshi bir necha soniyalar ichida tanadan ajratilib, yangisiga ko‘chiriladi, miyaning qon bilan ta‘minlanishi esa 15 daqiqadan so‘ng boshlanadi”, — deya operatsiya tafsilotlari bilan bo‘lishdi Kanavero.
Eslatib o‘tamiz, 8-aprel kuni boshni ko‘chirib o‘tkazish bo‘yicha operatsiya uchun ilk nomzod Rossiyaning Vladimir shahrida yashovchi 30 yoshli dasturchi Valeriy Spiridonov bo‘lishi ma’lum bo‘ldi.
Izoh (0)