Yaponiya bosh vazirining Tokiodagi qarorgohi tomidan kamera o‘rnatilgan dron topildi

22-aprel, chorshanba kuni Yaponiya bosh vaziri Shinjo Abening Tokiodagi rasmiy qarorgohi tomida kamera bilan jihozlangan kichik uchuvchisiz uchar qurilma aniqlandi, deya xabar bermoqda “Novosti-Kazaxstan” agentligi “Kiodo”ga tayanib.

“Bosh vazir qarorgohi tomida topilgan mitti qurilma — dronning diametri 50 sm bo‘lib, nimasi bilandir tutun hosil qiladigan shashkaga o‘xshab ketadi”, — deb yozadi agentlik.

Politsiya uchar qurilmaning qayerdan paydo bo‘lgani va u Tokiodagi kuchli qo‘riqlanadigan obyektga qanday kelib qolganini aniqlashga urinmoqda.