Xitoyning markaziy qismidagi Xubey viloyatida tosh qulashi natijasida besh kishi halok bo‘ldi, ikki kishi tan jarohati oldi. Bu haqda “RIA Novosti” xabar bermoqda.
Hodisa Ichan shahar okrugining Sinshan nohiyasida yuz bergan. Erta tongda hajmi yetti kubometrga yaqin bo‘lgan tosh palaxsasi ishchilarning uyi ustiga tushib ketgan.
Ko‘p o‘tmay hodisa joyiga ma’muriyat vakillari, xususan, Ichan merining o‘rinbosari, shuningdek, shifokorlar va qutqaruvchilar yetib kelishgan. Hozirgi vaqtda fojea sabablari o‘rganib chiqilmoqda.
Mart oyida shunga o‘xshash hodisa Xitoy janubidagi Guansi-Chjuan muxtor tumanida ro‘y bergandi. O‘shanda Guylin shahar okrugining Detsay tumanidagi sayyohlar ustiga tosh qulashi oqibatida yetti kishi halok bo‘lgan, 19 kishi tan jarohati olgandi.
Izoh (0)