Qohira sudi namoyishchilarni o‘ldirishga undaganlikda ayblanayotgan Misrning sobiq prezidenti Muhammad Mursiy va uning yaqin safdoshlarini 20 yilga ozodlikdan mahrum etish haqida qaror chiqardi. Bu haqda “RIA Novosti” xabar bermoqda.
2012-yil dekabrida Misr prezidenti qarorgohi oldida yuz bergan tartibsizliklar vaqtida olti kishi halok bo‘lgan va yuzlab boshqa odamlar jarohat olgandi. Tergov ma’lumotlariga ko‘ra, ayblanuvchilar odamlarni qasddan qotillik va jismoniy zo‘ravonlikka undashgan.
Sud ushbi ish bo‘yicha sobiq prezident Mursiy va “Musulmon birodarlar” tashkilotining 14 nafar yuqori martabali vakili, xususan, “Ozodlik va adolat partiyasi” raisi o‘rinbosari Isom Aryan, tashkilot faoli Muhammad Baltagiy va boshqalar aybdor deb topgan.
Bir qator misrlik huquqshunoslarning fikricha, ushbu jinoyatda ayblangan shaxslar, agar ularning aybi to‘liq isbotlanganida edi, o‘lim jazosiga hukm etilishi ham mumkin edi.
Izoh (0)