Қоҳира суди намойишчиларни ўлдиришга ундаганликда айбланаётган Мисрнинг собиқ президенти Муҳаммад Мурсий ва унинг яқин сафдошларини 20 йилга озодликдан маҳрум этиш ҳақида қарор чиқарди. Бу ҳақда «РИА Новости» хабар бермоқда.
2012 йил декабрида Миср президенти қароргоҳи олдида юз берган тартибсизликлар вақтида олти киши ҳалок бўлган ва юзлаб бошқа одамлар жароҳат олганди. Тергов маълумотларига кўра, айбланувчилар одамларни қасддан қотиллик ва жисмоний зўравонликка ундашган.
Суд ушби иш бўйича собиқ президент Мурсий ва «Мусулмон биродарлар» ташкилотининг 14 нафар юқори мартабали вакили, хусусан, «Озодлик ва адолат партияси» раиси ўринбосари Исом Арян, ташкилот фаоли Муҳаммад Балтагий ва бошқалар айбдор деб топган.
Бир қатор мисрлик ҳуқуқшуносларнинг фикрича, ушбу жиноятда айбланган шахслар, агар уларнинг айби тўлиқ исботланганида эди, ўлим жазосига ҳукм этилиши ҳам мумкин эди.
Изоҳ (0)